Mozilla-manifestet

Mozilla-manifestet, skrive i 2007, beskriv dei grunnleggjande prinsippa våre. Løftet om eit sunt internett vart skrive som eit tillegg til manifestet i 2017 for å spegle det sterke engasjementet vårt for å sikre at internett tener behova til menneske og menneskeslekta samla sett. Saman dannar desse to dokumenta grunnlaget for alt arbeidet i Mozilla — det vi byggjer, det vi finansierer, og korleis vi samarbeider som fellesskap.

Innleiing

Internett vert ein stadig viktigare del av liva våre.

Mozilla-projektet er eit globalt fellesskap av folk som trur at openheit, nyskaping og mulegheiter er nykelen til framleis god internetthelse. Vi har arbeidd saman sidan 1998 for å passe på at nettet vert utvikla på ein måte som er til nytte for alle. Vi er mest kjende for å ha laga nettlesaren Mozilla Firefox.

Mozilla-prosjektet brukar ei fellesskapsbasert tilnærming for å lage programvare i verdsklasse med open kjeldekode og for å utvikle nye typar av fellesskaplege aktivitetar. Vi byggjer fellesskap av folk som er involverte i å gjere internettopplevinga betre for alle.

Som eit resultat av desse satsingane har vi destillert fram ei samling grunnprinsipp som vi meiner er kritiske for at nettet skal halde fram med å gagne allmennytta samt dei kommersielle aspekta av livet. Vi skildrar desse grunnsprinsippa nedanfor.

Målet med manifestet er å:

  1. formulere ein visjon for internett som Mozilla-deltakarane ønskjer at Mozilla Foundation skal streve etter;
  2. tale til folk, anten dei har ein teknisk bakgrunn eller ikkje;
  3. gjere dei som bidreg till Mozilla stolte over kva vi gjer og motivere oss å halde fram; samt
  4. leggje til rette eit ramverk for andre, for å verkeleggjere visjonen vår av internett.

Desse grunnprinsippa vil ikkje vekkjast til live av seg sjølv. Folk trengst for å gjere nettet ope og deltakande – personar som handlar som individ, som arbeider saman i grupper og som leiar andre. Mozilla Foundation er forplikta til å fremje prinsippa som er spesifiserte i Mozilla-manifestet. Vi byr inn andre til å vere med oss for å gjere nettet til ein enno betre stad for alle.

Prinsipp

  1. 1. prinsipp
    Internett er ein integrert del i det moderne livet — ein hjørnesten innan for utdanning, kommunikasjon, samarbeid, forretningsverksemd, underhaldning og samfunnet som heilskap.
  2. 2. prinsipp
    Internett er ein global, felles ressurs, som må bli verande ope og tilgjengeleg.
  3. 3. prinsipp
    Internett skal forbetre livet til enkeltmenneket.
  4. 4. prinsipp
    Sikkerheit og personvern for individet på nettet er fundamentalt, og må på ingen måte sjåast på som valfritt.
  5. 5. prinsipp
    Enkeltpersonar må ha mulegheit til sjølve å forme internett og eigne opplevingar av det.
  6. 6. prinsipp
    Kor effektive nettet er som ein allmenn resurs er avhengig av kompatibilitet (protokoll, dataformat, innhald), nyskapande og ei desentralisert, verdsomspennende deltaking.
  7. 7. prinsipp
    Fri og open kjeldekode-programvare fremmar utviklinga av internett som ein felles ressurs.
  8. 8. prinsipp
    Transparente, fellesskapsbaserte prosessar fremmar deltaking, ansvarstaking og tiltru.
  9. 9. prinsipp
    Kommersiell involvering i utviklinga av internett har mange fordelar; ein balanse mellom kommersiell profitt og felles interesser er avgjerande.
  10. 10. prinsipp
    Å forsterke dei allmennyttige aspekta av internett er eit viktig mål, som fortenar tid, merksemd og engasjement.

Fokus på eit sunt internett

Det opne, verdsomspennande internettet er den kraftigaste kommunikasjons- og samarbeidsressursen vi nokon gong har sett. Det klargjer nokre av dei djupaste håpa om menneskeleg framgang. Det gjev nye mulegheiter til å lære, bygge ei kjensle av menneskelegheit og løysing av dei aktuelle problema som folka i verda står overfor.

I løpet av det siste tiåret har vi sett dette løftet oppfylt på mange måtar. Vi har òg sett internettet bli brukt til å så splid, oppfordre til vald, fremme hat og med vilje manipulere faktum og spreie usanningar. Vi har lært at vi bør vere meir presise i målet vårt for menneske si oppleving av internettet. Vi gjer det no.

Våre forpliktingar

  1. Forplikting 1
    Vi står for eit internett som involverer alle menneska på jorda — der den demografiske eigenskapen til ein person ikkje bestemmer tilgangen til nettet, mulegheitene og kvaliteten av opplevingane på nettet.
  2. Forplikting 2
    Vi står for eit internett som fremmar samtale, forståing og menneskeleg verdigheit, og som gir alle mulegheit til å uttrykkje seg.
  3. Forplikting 3
    Vi står for eit internett som fremmar kritisk tankegang, faktiske diskusjonar, felles kunnskap og kontrollerbare fakta.
  4. Forplikting 4
    Vi står for eit internett som fremmar samarbeid mellom ulike grupper, som arbeider for det felles beste.

Mozilla sitt løfte

På tvers av Mozilla-prosjektet og alle organisasjonane i Mozilla-familien forpliktar vi oss til å støtte Mozilla-manifestet i arbeidet vårt. Konkret vil vi:

  • byggje og dele open kjeldekode og fellesskap som støttar grunnprinsippa i manifestet;
  • byggje og leverer utmerkte konsumentprodukt som støttar grunnprinsippa i manifestet;
  • bruke Mozillas aktivum (immaterialrettslege tilgjenge, som opphavsrett og varemerke, infrastruktur, kapital og rykte) for at internett skal bli verande ei open plattform;
  • fremje modellar som skaper økonomisk verdi til nytte for ålmenta; og
  • fremje grunnprinsippa i Mozilla-manifestet, i opne diskusjonar, og innanfor internettindustrien.

Vi treng deg for å fremje manifestet

Eit internett med desse eigenskapane vil ikkje oppstå av seg sjølve. Menneske og organisasjonar må byggje desse ambisjonane inn i internett-teknologien og i korleis menneske opplever internett. Mozilla-manifestet og tillegget representerer Mozilla forpliktinga si til å fremje desse ambisjonane. Mozilla samarbeid med menneske og organisasjonar over heile verda som ønskjer å gjere internett til ein endå betre stad for alle.

Om du deler dette målet, fortel oss korleis vi kan hjelpe.

Og sjølvsagt lagar vi Firefox og Thunderbird. Alt dette har som mål å hjelpe menneske med å gjere internett til ein betre stad.